Instat: Ne Prill Cmimet E Mallrave U Ulen 0.4%
TIRANË, 10 Maj /ATSH, Erla Gjikolli/.-Çmimet e mallrave të konsumit në muajin prill shënuan një ulje prej 0.4 përqind krahasuar me muajin e mëparshëm, bëri të ditur sot INSTAT.
Indeksi i grupit "Ushqime dhe pije jo alkoolike" shënoi një ulje prej 1.4 përqind. Brenda këtij grupi ulja më e madhe prej 8.2 përqind vërehet në nëngrupin "zarzavate përfshirë patatet".
Ulje çmimesh vërehen edhe në disa nëngrupet e tjera të grupit "Ushqime dhe pije jo alkoolike". Ndërsa çmimet në nëngrupin "fruta" shënuan një rritje prej 1.4 përqind.
Indeksi i grupit "Pije alkoolike dhe duhan " shënoi një rritje prej 0.8 pëqind, brenda të cilit çmimi i duhanit u rrit me 1.4 përqind.
Në muajin prill, Indeksi i grupit "Veshje dhe këpucë" shënoi një ulje prej 0.2 përqind, ndërsa ideksi i grupit "Shëndeti" shënoi një rritje prej 1.9 përqind, ku ndikim dha rritja e çmimeve të medikamenteve me 2.1 përqind.
Gjatë muajit prill çmimet e karburanteve pësuan një rritje krahasuar me muajin e mëparshëm dhe konkretisht çmimi i naftës u rrit me 5.8 përqind dhe benzina u rrit me 4.5 përqind./n.m/
