Kosovë -Stërvitja Dyditore E Kfor-It Përfshin Edhe Prishtinën
PRISHTINË, 10 Maj /ATSH-B.Jashari/.- Forcat e "Battle", grupit shumëkombësh Qendër, dhe "Battle", grupit shumëkombësh Jug, do të zhvillojnë gjatë dy ditëve të ardhshme një stërvitje të përbashkët në pjesën qendrore të Kosovës, përfshirë qytetin e Prishtinës, njoftoi sot KFOR.
Sipas komunikatës, nga 11 deri më 12 maj, stërvitja, në të cilën do të përfshihen forcat manovruese të KFOR-it nga "Battle" grupi shumëkombësh Qendër (MNBG-C) dhe "Battle" grupi shumëkombësh Jug (MNBG-S), do të organizohet në pjesën qendrore të Kosovës, duke përfshirë dhe Prishtinën, kështu që automjetet e KFOR-it do të patrullojnë edhe në qytet.
"Qellimi i kësaj sërvitjeje është për të rritur operativitetin dhe aftësitë e trupave të KFOR-për të reaguar ndaj çfarëdo skenari të mundshëm", thekson komunikata.
Bëhet e ditur se "stërvitja është një cikël i trajnimeve të KFOR-it dhe nuk është as përgjigje ndaj apo përgatitje për çfardo situate momentale në vazhdim e sipër ose e cila pritet të ndodhë në Kosovë"./s.s./
