Kapshticë, 11 maj, NOA – Fshihte në bagazhin e makinës 2 kilogramë lëndë narkotike, e llojit heroinë, të cilat kërkonte t’i kalonte përtej kufirit shqiptar për në Greqi, por është zbuluar nga forcat e policisë duke u arrestuar menjëherë prej tyre.
Lajmi është konfirmuar nga burimet policore të Korçës, sipas të cilave lënda narkotike e lartpërmendur është kapur në pikën kufitare të Kapshticës, ndërsa i ndaluari është Arsen Lumani, 22 vjeç, banues i qytetit juglindor.
Duke kaluar kufirin në pikën e Kapshticës, atij iu gjet dhe bllokua në cilësinë e provës materiale, një sasi e ngjashme me atë të heroinës prej 2 kilogramësh, e cila fshihej në pjesën e pasme të mjetit Audi 80 ngjyre e zezë, me targa FA1982.
n.e/NOA
