Kriza/ Greqi - Athina I Kërkon Be-Së Dhe Fmn-Së Këstin E Parë Me 20 Miliardë Euro
ATHINË, 11 maj /ATSH-ANSA-AFP/ - Qeveria greke synon t'i kërkojë sot Bashkimit Evropian dhe Fondit Monetar Ndërkombëtar këstin e parë me 20 miliardë euro të borxhit me 110 miliardë euro gjithsej që vendet e Eurozonës kanë vënë në dispozicion të Greqisë për një periudhë trevjeçare.
Një burim i Ministrisë greke të Financave deklaroi sot se do t'i dërgohet një letër Komisionit Evropian, Bankës Qendrore Evropiane dhe FMN-së me të cilën do të kërkohet aktivizimi i mekanizmit të ndihmës.
Dhënia e këstit të parë, që parashikon lëvrimin e 14.5 miliardë eurove nga BE-ja dhe 5.5 nga FMN-ja, "duhet të jetë i menjëhershëm, ndoshta brenda ditës", shtoi burimi.
/e.v/
