Obama I Nis Kongresit Për Miratim Marrëveshjen Bërthamore Të Vitit 2008 Me Moskën
UASHINGTON, 11 maj /ATSH-AFP/ - Presidenti amerikan, Barack Obama dërgoi mbrëmjen e kaluar për ratifikim në Kongres marrëveshjen e bashkëpunimin bërthamor civil të nënshkruar në maj të vitit 2008 me Moskën, çështje e lënë pezull pas konfliktit mes Rusisë dhe Gjeorgjisë, njoftoi Shtëpia e Bardhë.
E nënshkruar më 6 maj të vitit 2008 pas një marrëveshje të arritur nga paraardhësi i Obama, George W. Bush dhe homologu i tij i atëhershëm Vladimir Putin, ajo u mundëson dy vendeve të zhvillojnë marrëdhënie tregtare në këtë sektor ndërkohë që përpiqen të luftojë kundër përhapjes së armëve të shkatërrimit në masë.
Një provë e vështirë prej 30 vjetësh, marrëveshja lejon "shkëmbim teknologjie, materialesh, dhe pajisjesh, përfshi reaktorët, si dhe të komponentëve të nevojshëm për kërkimet bërthamore, dhe prodhimin e energjisë elektrike", sipas një dokumenti të publikuar në atë kohë nga SHBA-ja.
Por, marrëveshja nuk ishte miratuar në Senat dhe u largua nga rendi i ditës për votim nga administrata e asaj periudhe pas luftës së Rusisë me Gjeorgjinë./
/i.p/
