Aktiviteti, nga Fondacioni Vodafone Albania dhe Shoqata e Talasemikëve Shqiptarë në Ditën Botërore të Talasemisë
Lushnjë, 11 Maj 2010 NOA - Me rastin e Ditës Botërore të Talasemisë, Shoqata Kombëtare e Talasemisë ka organizuar një takim të veçantë me aktorët, partnerët, anëtarët dhe mbështetësit e saj në qytetin e Lushnjës. Në këtë takim merrnin pjesë anëtarë të shoqatës, familjarë të fëmijëve, mjekë dhe shumë miq, mbështetës e dashamirës.
Të pranishëm në këtë takim ishin edhe Ministri i Shëndetësisë, Petrit Vasili, Presidentja e Fondacionit Fëmijët Shqiptarë, Liri Berisha, Sekretari Përgjithshëm i Kryqit të Kuq Shqiptar Zamir Muça, Drejtori Ekzekutiv i Fondacionit Vodafone Albi Greva, dhe shumë të ftuar të tjerë.
Të pranishmit u njohën me nevojat e fëmijëve talasemikë, problematikat dhe vështirësive që ata hasin, dhe të gjithë aktorët pjesëmarrës ranë dakord për nevojën e një investimi më të madh shoqëror për këtë grup që ka nevojë për mbështetje.
Mbështetja kryesore për këtë komunitet vjen prej një akti human – dhurimit të gjakut. Gjatë takimit u vu në pah mbështetja bujare e kompanisë Vodafone Albania punonjësit e të cilës për çdo vit organizohen për të dhuruar gjak – burimin e jetës – për të cilin fëmijët talasemikë kanë kaq shumë nevojë.
Në të njëjtën linjë, Fondacioni Vodafone Albania është duke financuar një projekt i cili mundëson kryerjen e analizave për pacientet talasemikë dhe të afërmit e tyre me qëllim që individët të informohen mbi situatën e shëndetit të tyre dhe mbi këtë të marrin vendime të shëndetshme për të ardhmen e familjeve të tyre.
Projekti u cilësua i një rëndësie të madhe edhe për faktin se krijon vëmendje e njohje publike mbi talaseminë duke ndihmuar edhe në rritjen e numrit të dhuruesve të gjakut.
r.n/NOA
Më shumë lajme Sociale
Fondacioni Vodafone Albania, qendër për të moshuarit në Berat
