Trafik Narkotikësh/ Policia : Një Shtetas Turk Ekstradohet Drejt Gjermanisë
TIRANË, 12 Maj /ATSH, Mira Shkurta/ - Një i ri nga Turqia u ekstradua mesditën e sotme nga Shqipëria drejt Gjermanisë, pasi ishte shpallur në kërkim nga Zyra e Prokurorit të Ravensburgut në tetor 2005 për trafik të sasive të mëdh të lëndëve narkotike.
Burime zyrtare nga Policia e Shtetit, bënë të ditur për ATSH-në se, "29- vjeçari Mahmut Goek, lindur në Biberach, Gjermani, akuzohet se në përiudhën Janar-Tetor 2005 në bashkëpunim me një shtetas gjerman në Holandë, tregtonin në sasi të mëdha lëndën narkotike kanabis sattiva në Biberach, (Gjermani)".
Sipas burimeve të Policisë, Interpol Tirana në bashkëpunim me Interpol Wiesbaden dhe Drejtorinë Kundër Krimit të Organizuar, mundësuan arrestimin e shtetasit turk, me qëllim ekstradimin e tij drejt Gjermanisë./n.m/
