Tiranë, 13 maj, NOA - “Një ndër objektivat qe ne të gjithë ndjejmë se duhen arritur në periudhën e ardhshme është ripajtimi dhe kapërcimi i problemeve etnike e të dhunës që janë vënë re në të kaluarën”.
Kështu ka deklaruar nga Tirana gjatë një konference të përbashkët për shtyp me ministrin e Jashtëm shqiptar, përfaqësuesi ndërkombëtar dhe i Bashkimit Evropian në Kosovë, Pieter Feith.
Sipas tij, një ndër rrugët më të mira për realizimin e këtyre objektivave është plani tërësor i zgjidhjes së propozuar nga presidenti Ahtisari.
“Është burim i një kënaqësie të madhe kur konstaton se autoritetet në Kosovë kanë respektuar plotësisht panin Ahtisari, në veçanti lidhur me forcimin e të drejtave të afirmuara të pakicave, komuniteteve në Kosovë dhe forcimin e institucioneve dhe shtetit të së drejtës”, tha ai ai.
Duke shtuar se lidhur me përpjekjet e saj për forcimin e bashkëpunimit rajonal, “ka përgëzuar qeverinë e Shqipërisë për bashkëpunimin në fushën ekonomike, në ndërtimin e infrastrukturës së bashku me autoritetet në Kosovë, e veçanërisht autostrada që lidh Shqipërinë me Kosovën dhe me mundësi në të ardhmen për t’u bërë një korridor që do të shkojë deri në Serbi dhe në pjesën tjetër të Evropës”.
n.e/NOA
