Torino, 13 Maj NOA - Krahas shumë lojtarëve që priten të largohen nga ekipi i Juventusit, në listën e tyre është shtuar dhe emri i brazilianit Diego.
Këtë lajm e ka bërë të ditur e përditshmja italiane “Tuttosport”. Sipas saj Diego nuk konsiderohet më si një lojtar i pashitshëm nga ky ekip dhe aktualisht skuadra e Juventusit kërkon të ndryshojë plotësisht ekipin, ku pjesë e tij mund të jetë dhe largimi i brazilianit.
Megjithatë largimi i tij do të vendoset vetëm kur të jetë zgjedhur tekniku i ardhshëm i Juventusit, pasi do të jetë ai, i cili do të përcaktojë listën e lojtarëve, të cilët do të largohen dhe ato të cilët do të qëndrojnë tek ekipi i bardhë e zinjve.
r.b/NOA
