Moskë, 13 maj, NOA – E vërteta e sulmeve në Metronë e Moskës duket se do të mbetet vetëm pjesë e dokumenteve të shërbimeve sekrete ruse.
Kreu i shërbimit rus të zbulimit tha se agjentët e sigurisë kanë vrarë tre persona të përfshirë në sulmet vetëvrasëse në metronë e Moskës.
Aleksandër Bortnikov tha se një nga të vrarët kishte qenë shoqëruesi i atentatorëve vetëvrasëse deri në vendin e ngjarjes. Nga sulmet në metronë e Moskës humbën jetën 40 veta.
Pas sulmeve shërbimet ruse kanë nisur kontrollet dhe arrestimet në një sërë zonash të dyshuara duke kërkuar gjetjen e fajtorëve.
m.xh/NOA
