Axhenda Ndërkombëtare 14 Maj 2010
-------------------------------------------------------------
NGJARJE KRYESORE
--------------------------------
BANGKOK - Ndjekje e situatës në Tajlandë ku ushtria ka vendosur të zhbllokojë me forcë një rrugë nga manifestuesit antiqeveritarë, pas përleshjeve ku si pasojë humbi jetën një person dhe u plagosën disa të tjerë.
PORTO (Portugali) - Përfundon vizitën në Portugali Papa Benedikti i XVI.
TË TJERA
--------------
KANË (Francë) - Zhvillohet festivali i 63-të i Kanës.
NJU JORK - Vazhdon hetimi për atentatin e mbetur në tentativë në sheshin ''Times Square'' në Nju Jork.
BISHKEK - Ndjekje e situatës në Kirgistan ku kundërshtarët e qeverisë së përkohshme kanë marrë kontrollin e selive të administratës dhe një televizioni në dy qytete në jug të vendit.
NJU ORLEANS (SHBA) - Vazhdojnë përpjekjet për të eliminuar ndotjen e shkaktuar nga shpërthimi i një platforme nafte në Gjirin e Meksikës.
LONDËR/UASHINGTON - Ndjekje e masave të para të marra nga qeveria e koalicionit drejtuar nga kryeministri konservator, David Cameron, prioritetet e para të të cilit janë ekonomia dhe lufta kundër deficitit.
Qeveria e re përmendi gjithashtu dhe luftën në Afganistan ku ndodhen rreth 10 000 ushtarë britanikë.
UASHINGTON - Ministri i ri britanik i Punëve të Jashtme, William Hague, i cili zhvillon sot një takim në Uashington për diskutime me sekretaren amerikane të Shtetit, Hillary Clinton, kritikon programin bërthamor iranian.
TRIPOLI/HAGË - Vazhdojnë hetimet për rrëzimin në Tripoli të një avioni ''Airbus A330'' që vinte nga Johanesburgu ku si pasojë humbën jetën të paktën 103 persona , 62 prej të cilëve holandezë. Nga ky aksident mundi të mbijetojë vetëm një fëmijë tetë vjeçar, i cili ndodhet në një spital në Tripoli.
UASHINGTON - Publikohet një raport nga Fondi Monetar Ndërkombëtar për deficitin buxhetor dhe borxhin publik nga vendet e G20.
ATHINË - Vizitë në Athinë e kryeministrit turk, Recep Tayyip Erdogan që do të përqendrohet në përmirësimin e bashkëpunimit mes dy vendeve.
FORT CAMPBELL (SHBA) - Përfundon vizitën presidenti afgan, Hamid Karzai./
/ec/ a.jor.
