Beograd - Tadiç: Serbia Do Të Bëjë Gjithçka Për Arrestimin E Të Kërkuarve Nga Icty-Ja
BEOGRAD, 14 maj /ATSH-TANJUG/ - Presidenti serb, Boris Tadiç i konfirmoi kryeprokurorit të Gjykatës Ndërkombëtare të Krimeve për ish-Jugosllavinë (ICTY), Serge Brammertz se Serbia do të bënte gjithçka për lokalizimin, arrestimin dhe transferimin në Hagë të dy të kërkuarve të fundit të ICTY-së, njoftoi zyra e shtypit e shefit serb të shtetit.
Ndërkohë, Brammertz deklaroi dje se bazuar mbi informacionet që i ishin dhënë nuk kishte asnjë arsye të besonte se i kërkuari i Hagës, gjenerali Ratko Mladiç ishte larguar nga Serbia.
''Bashkëpunëtorët e mi kanë të njëjtën bindje'', u shpreh Brammertz.
''Po analizojmë plotësisht dhe me hollësi situatën dhe faktin pse Mladiç nuk është arrestuar ende'', theksoi ai.
Brammertz u shpreh se nuk mund të kishte alternativë tjetër veç arrestimit të Ratko Mladiçit dhe Goran Haxhiçit./
a.jor.
