Mima: Edi Rama Po Tenton T'U Bllokojë Shqiptarëve Rrugën Që Të Çon Në Europë
TIRANË, 14 Maj/ATSH-Maela Marini/.- Deputeti i Partisë Demokratike, Florian Mima deklaroi sot në një konferencë për shtyp, se "Edi Rama po tenton t'u bllokojë shqiptarëve rrugën që të çon në Evropë".
Sipas tij, "mendje të sëmura e të privuara tërësisht nga arsyeja e shëndoshë, prej 14 ditësh po tentojnë t'u bllokojnë shqiptarëve çdo rrugë, por ç'është më e dhimbshmja, rrugën që të çon në Evropë".
Duke u ndalur në këtë çështje, Mima tha se "aventura më e fundme që ka ndërmarrë z. Rama është më e pakuptimta, më e paarsyeshmja, më e keqrealizuara, më e dështuara që në pikënisje, e kësisoj ajo e denja për të qenë aventura e fundit në kurriz të shqiptarëve".
Sipas tij, "shqiptarët nuk i terrorizon dot më Edi Rama me 'alarme' e luftra imagjinare"./n.m/
