Paris, 15 maj, NOA - Autoritetet franceze kanë bërë thirrje për vendosjen e masave që kontrollojnë argëtimet dhe tubimet e organizuara nga rrjeti global shoqëror “Facebook”, pas vdekjes së një të riu, i cili kishte konsumuar sasi të madhe alkooli në një festë.
“Nuk guxojmë të lejojmë që një gjë e tillë të kalojë shumë thjesht”, tha Zhan Mark Airo, kryetari i bashkisë së qytetit Nanta, në të cilin ndodhi incidenti, raporton DPA.
21-vjeçari francez ra nga ura të enjten në mëngjes, pas një feste që kishte organizuar rrjeti “Facebook”, me qëllim për të pirë sa më shumë sasi të alkoolit. Në festë kishin marrë pjesë rreth 10 mijë njerëz.
NOA/RFE
