Librazhd, 16 maj, NOA – Forcat e policisë së Librazhdit kanë arrestuar sot në flagrancë 25-vjeçarin Elvis Gjini, lindur dhe banues në fshatin Stërblevë të këtij fshati, pasi gjatë një kontrolli personal të ushtruar, iu gjet një armë zjarri Zastava.
Lajmi bëhet me dijeni prej tyre për agjencinë e Lajmeve, duke saktësuar se këtë armë, personi i lartpërmendur e mbante pa leje.
Materialet në lidhje me ngjarjen e mësipërme iu kaluan prokurorisë së Elbasanit për veprime të mëtejshme mbi veprën penale “Mbajtja pa leje e armëve luftarake dhe të municionit pa lejen e organeve kompetente”, e cila parashikohet nga neni 278 i Kodit Penal.
n.e/NOA
