Nato: Afganistan - Nevojiten Më Tepër Instruktorë
UASHINGTON, 17 maj /ATSH-AFP/ - NATO-ja mund të ketë nevojë për "qindra instruktorë të tjerë në Afganistan në fillim të vitit 2011, përveç 450 të cilët nuk u janë përgjigjur thirrjes për kualifikimin e ushtrisë dhe policisë afgane, u shpreh sot kryekomandanti i saj, admirali James Stavridis.
Në vitin 2011, policia dhe ushtria afgane pritet të arrijnë shifrën e përgjithshme prej 300 000 trupash kundrejt rreth 200 000 aktualisht.
NATO-ja e vlerëson në 5 200 numrin e instruktorëve të nevojshëm për arritjen e këtij qëllimi, por mungojnë ende 450 instruktorë, kujtoi admirali gjatë një takimi me gazetarë.
"Përveç kësaj, mund të kemi nevojë për disa qindra të tjerë në fillim të vitit të ardhshëm, theksoi ai duke u bërë thirrje 28 vendeve të NATO-s për një përpjekje tjetër. "Kemi nevojë për instruktorë. Ky është prioriteti im absolut", kujtoi ai.
/I.Pu.
