Malibu, 17 maj, NOA – Shpikja e linjës telefonike me skaner në super-markete, lodrat DVD, pajisjet kirurgjikale etj, që të gjitha kanë në bazë një rreze lazer e cila mbush sot 50 vjet nga dita e zbulimit të saj.
Më 16 maj 1960 ka qenë amerikani Thomas Maiman, ndezi për herë të parë një rreze lazer në laboratorin e Hughes në Malibu të Kalifornisë, e cila e pati fillesën në projektimin e një pikë të kuqe nga një pajisje që ishte e ndjeshme për dritën.
Pastaj erdhi Lufta e Ftohtë dhe kërkimet ushtarake kishin përparësi, kështu që zhvillimi i parë për bombat me precizion lazer, të cilat u përdorurën në Vietnam, ishin aplikimi i parë i lazerit.
Por që atëherë, lazerat janë bërë më të vogla dhe më të fuqishme dhe përdoren kudo në teknologjinë moderne. Tom Baer, nga qendra e Kërkimeve “Photonics Stanford” tha se teknologjia lazer ka një ndikim në të paktën gjysmën e prodhimit bruto të SHBA.
"Gjithë infrastruktura ekonomike në SHBA është e bazuar në të dhënat e transmetuara nëpërmjet fibrave optike me lazer", tha Baer.
Lazerat kanë me të vërtetë një ndikim të madh në kompjutera dhe telekomunikacion, sikundër ka edhe fibra optikë që kanë revolucionarizuar transmetimin e të dhënave.
n.e/NOA
