Trashani: Edi Rama Po Punon Dhe Vepron Jashtë Ligjit
TIRANË, 17Maj/ATSH/.- Deputetja e Partisë Demokratike (PD), Arenca Trashani akuzoi sot kryetarin e Partisë Socialiste të opozitës, Edi Rama se po përpiqet prej dhjetë muajsh të bllokojë Shqipërinë duke punuar e vepruar jashtë çdo ligji juridik, logjik e njerëzor.
Në deklaratën e saj deputetja Trashani akuzon Ramën se "është jashtë ligjit" pasi sipas saj, po "bllokon rrugët dhe pengon qarkullimin e qytetarëve, po refuzon sistemin kushtetues e ligjor, sistemin e drejtësisë dhe së fundmi edhe sistemin shëndetësor të këtij vendi".
"Ti ju kundërvure të gjithë Elitës së Kombit, që i tha "stop" ngujimit në mes të bulevardit dhe këtu je jashtë etikës dhe logjikës njerëzore. Si ligjvënëse e Kuvendit të Shqipërisë, po të them: mblidh çadrat dhe ik nga rruga, se Tirana është dhe do të jetë një qytet europian në Europë", tha Trashani në deklaratën e saj për mediat./m.m//n.m/
