Ekon - Greqi - Klientela Turistike Ulje Rekord Prej 10 Për Qind
ATHINË, 18 maj /ATSH-AFP/ - Dhoma greke e Hotelerisë njoftoi sot se klientela turistike do të ulet me 10 për qind gjatë këtij viti për shkak të krizës ekonomike dhe sociale që ka goditur vendin me një rënie të të ardhurave me 15 për qind.
Në këtë kontest ''shumë të vështirë'', presidenti i Dhomës së Hotelerisë, Jorgos Cakiris shprehu keqardhje në një konferencë shtypi për dorëheqjen e sekretares së shtetit për Turizmin, Anxela Gjureku, pas përfshirjes së bashkëshortit të saj në një çështje evazioni fiskal.
Rajoni i Athinës është më i prekuri me 27 000 netë të anuluara që prej vdekjes më 5 maj të tre punonjësve të bankës si pasojë e zjarrit që përfshiu këtë ndërtesë gjatë një manifestimi kundër masave shtrënguese në Athinë, theksoi Aleksandros Vasilikas, përfaqësues i Bashkimit Lokal të Hotelerive./
/ec/ a.jor.
