Gruevski: Problemi I Emrit Të Maqedonisë Mbetet Afatgjatë
- Kryeministri maqedonas në një takim jozyrtar me homologun e tij grek, Jorgos Papandreu -
MADRID, 18 maj /ATSH-MIA/ - Nuk mund të them se jam optimist, pasi problemi i emrit të Maqedonisë është afatgjatë dhe ne mbetemi në pritje, deklaroi për median kryeministri maqedonas, Nikola Gruevski, pas takimit me homologun e tij grek, Jorgos Papandreu, gjatë samitit BE-Amerika Latine që po zhvillohet në Madrid.
Takimi jozyrtar zgjati rreth 20 minuta gjatë darkës së djeshme në pallatin mbretëror spanjoll.
Gruevski tha se homologu i tij grek ka shprehur vullnetin dhe dëshirën për një zgjidhje sa më të shpejtë të çështjes së emrit, ku ndërmjetëson edhe përfaqësuesi i OKB-së, Mathew Nimitz.
Gruevski dhe Papandreu biseduan edhe për rajonin edhe për nevojën që të gjitha vendet të bëhen anëtare të BE-së sa më shpejt të jetë e mundur si për gjendjen ekonomike të Greqisë./
a.jor.
