Tiranë, 18 maj, NOA - Deputetët e Partisë Socialiste kanë vendosur që greva e 20 deputetëve dhe 200 mbështetësve të vijoj, pavarësisht situatës shëndetësore të grevistëve dhe mungesës së një konsensusi mes palëve.
Vendim është marrë ditën e sotme nga grupi parlamentar i PS-së në një mbledhje që ka zgjatur për rreth dy orë. Nuk bëhet e ditur nëse ka pasur debate në lidhje me zhvillimin e grevës, ndërsa mësohet se vendimi final ka qenë vetëm për vazhdimin e saj.
Deputetja e Partisë Socialiste, Mimi Kodheli ka thënë se gjithë deputetët anë të gatshëm të bëhen pjesë e grevës së urisë.
Ajo ka shtuar se është e nevojshme që me anë të grevës të sensibilizohen njerëzit për padrejtësisë e këtij pushteti, që sipas saj nuk qeveris me vota të merituara, por të vjedhura.
m.xh/NOA
