Pd: Interesat Personale Të Edi Ramës Nuk Do Të Bllokojnë Rrugën E Shqipërisë Drejt Europës
TIRANË, 18 Maj/ ATSH/- Deputeti i Partisë Demokratike, Edmond Spaho deklaroi sot, "interesat personale të Edi Ramës nuk do të bllokojnë rrugën e Shqipërisë drejt Europës".
Në një konferencë për shtyp, Spaho tha se, "Rama, Ruçi dhe bllokmenët e tjerë të rinj e të vjetër kërkojnë pushtet në tavolinë dhe për këtë, ata nuk njohin zgjedhjet më të mira dhe shkelin ligjin e demokracinë".
Në këtë drejtim ai tha se, "Rama refuzon Prokurorinë që ka instrumentet në rast prove për të hapur kutitë, refuzon Kushtetutën, Gjykatën Kushtetuese si dhe Komisionin e Venecias".
"Për të marrë pushtetin me dhunë, Rama urdhëron bllokimin e rrugëve, ndërtimin barbar të kampingut të çuditshëm dhe paguan protestuesit me para në dorë", tha Spaho.
Sipas tij, "për të mbuluar dështimin dhe çuditë e çadrave, Edvin Rama ky sadist, në kundërshtim me rregullat e grevës ka hapur së fundmi tenderin për grevë me rrotacion"./s.d//n.m/
