Tiranë, 18 maj, NOA – Ka arritur në 56-t numri i grevsitëve që kanë lënë grevën e urisë të Partisë Socialiste. Mjekët që asistojnë grevën kanë vendosur që të dërgojnë në spital të riun Oltian Ruçi.
Sipas njoftimit zyrtarë të Partisë Socialiste, Ruçi ka shfaqur probleme të ndryshme që kanë pasur të bëjnë me tensionin dhe dobësi të përgjithshme, si pasojë e mungesës së ushqimit.
Në ditën e 18-të të grevës së urisë, janë 56 larguarve nga greva si pasojë e gjendjes së rënduar shëndetësore.
Mes të larguarave ka deputetët dhe shumë mbështetës të Partisë Socialiste. Duke qenë se bëhet fjalë për gati çerekun e grevistëve që janë larguar nga greva, drejtuesit e Partisë Socialiste kanë hedhur idenë e zëvendësimit të grevistëve më të tjerë.
Sipas burimeve nga PS-ja në gjendje të rënduar është dhe deputetja Olta Xhaçka. Në orët në vazhdim pritet që mjekët të marrin një vendim dhe për transportimin e saj drejt spitalit.
m.xh/NOA
