Fier, 18 maj, NOA – Dy presona janë arrestuar pasi një vit më parë kanë tentuar të vrasin një person në qytetin e Fierit. Të arrestuarit janë; Elis Nuhaj, 21 vjeç, banues në Fier dhe Julian Lika (Meçi), 24 vjeç nga Fieri.
Të dy këta persona më datën 28 korrik 2009, rreth orës 23.30 në lagjen “Kastriot” në qytetin e Fierit, kanë tentuar të vrasin me armë zjarri në hyrjen e banesës se tij shtetasin me inicialet B.M.
Akuza që rëndon mbi ta është “Vrasje me paramendim e mbetur në tentativë e kryer në bashkëpunim” dhe “Mbajtje pa leje të armëve luftarake”.
Vendimi për ndalimin e tyre është dhënë nga Prokuroria e Rrethit Gjyqësor Fier.
m.xh/NOA
