Tiranë, 19 maj, NOA – Një tjetër grevist është dërguar me urgjencë në Qendrën Spitalore Universitare “Nënë Tereza”. Grevisti është nga Durrësi dhe quhet Gentian Marishta dhe është 37 vjeç.
Mjekët që ndjekin nga afër grevën kanë sugjeruar dërgimin e tij në spital për një trajtim më të përshtatshëm mjekësor, duke mundësuar dhe shmangien e rrezikut për komplikacione të mëtejshme.
Numri i të larguarve nga greva e urisë në qendër të Tiranës ka arritur në 63. Sot është dita e 19 e grevës së Partisë Socialiste dhe sipas mjekëve gjendja shëndetësore e grevistëve është mjaft e rënduar, duke e bërë të pamundur vijimin e saj për mjaft prej tyre.
Për këtë qëllim, Partia Socialiste është duke diskutuar dhe mundësinë e zëvendësimit të grevistëve. Gjë që është deklaruar dhe nga drejtues të Partisë Socialiste.
m.xh/NOA
