Selanik, 20 Maj 2010 – Ka shokuar Selanikun dhe mbarë Greqinë lajmi se një nënë emigrante shqiptare ka mbytur me kollare fëmijën e saj 7 vjeç. Nëna 43 vjeçare mbyti fëmijën e saj, në katin e tretë të rrugës Mirahu Kufica në Selanik. Ngjarja ndodhi pasditen e djeshme në orën 18.50.
Siç raporton Newsit në Greqi, nëna emigrante,e cila vuante nga depresioni,pasi mbyti djalin e saj 7 vjeçar, tentoi të vetëvritet me thikë.
Fëmijën e vdekur e gjeti babai i tij, i cili kishte dalë xhiro me fëmijën tjetër që kishte çifti. Burri u përpoq që të hapte derën mirëpo u detyrua ta thyejë pasi ishte e kyçur nga brenda.
Në momentin që po thyente derën, mendja i shkonte në shumë veprime të llahtarshme, mendoi se gruaja ishte vetëvrarë, nuk i shkonte në mendje se ajo kishte mbytur me kollare djalin e tyre.
Pasi pa kufomën e djalit të tij 7 vjeçar të mbytur dhe bashkëshorten të mbuluar nga gjaku, lajmëroi ambulancën dhe policinë.
Nëna fëmijëvrasëse gjendet në spital jashtë rrezikut për jetën. Megjithatë mjekët thanë se ende në gjendje të rëndë shëndetësore është 43 vjeçarja emigrante që akuzohet se mbyti me kollare djalin e saj 7 vjeçar.
