Fier, 20 maj, NOA – Policia e Fierit ka arrestuar dje dy persona të dyshuar për vjedhjen e një qendre interneti.
Behet fjalë për Fatjon Ajasllari, 22 vjeç, banues në fshatin Portëz të rrethit të Fierit dhe Sokol Mellaraj, 19 vjeç, banues në Fier. Ndalimi i tyre është bërë pasi dyshohet se më datën 4 maj, në lagjen “8 Shkurti” në Fier, kanë vjedhur 2 njësi qendrore kompjuterësh.
Dy të rinjtë kanë dashur që të marrin dhe pjesën tjetër të kompiuterave në qendrën e internetit, por ndërhyrja në kohë e policisë ka bërë të ata të largohen duke marrë me vete vetëm dy.
Ndërsa pjesa tjetër prej 10 kompjuterash se bashku me njësitë qendrore të tyre u gjetën fare pranë lokalit ku i vodhën dy të rinjtë.
Mellaraj dhe Ajasllari do të gjykohen për veprën penale, “Vjedhje e kryer në bashkëpunim” parashikuar nga nenet 134 e 25 të Kodit Penal.
m.xh/NOA
