Bruksel, 21 maj, NOA – Rënia e menjëhershme e monedhës evropiane në tregjet financiare ndërkombëtare, i ka mbledhur ministrat e Financave të vendeve anëtare të Bashkimit Evropian në një takim urgjent sot në Bruksel.
Bëhet me dijeni se gjatë këtij takimi, ata do të diskutojnë mbi rrugët që duhet të ndiqen për të parandaluar një krizë të ngjashme me atë të Greqisë, në mënyrë që situata të tilla të mos e tronditin bazamentin e monedhës së përbashkët, të paktën si imazh.
Nga ana e saj, kancelarja gjermane, Angela Merkel, ka kërkuar ndëshkime më të ashpra për vendet që nuk respektojnë rregullat, pasi sipas saj, në këtë mënyrë është monedha euro që i paguan konseguencat.
n.e/NOA
