Durres: Nis Sezoni I Plazhit Ne Bregdetin E Durresit
DURRES, 23 Maj/ATSH, G.Kabashi/- Mijëra qytetarë i janë drejtuar sot plazheve të Durrësit duke përfituar nga moti i mirë dhe temperaturat e pranueshme të ajrit.
Pushues të shumtë jo vetëm nga qytete të ndryshme, por edhe nga Kosova kanë nisur banjat e diellit dhe të ujit, të cilat këtë sezon kanë mbërritur më vonë për shkak të motit të keq që shoqëroi pjesën më të madhe të stinës së pranverës.
Brezi i rërës është pushtuar nga fëmijët dhe të rinjtë që luajnë me top, ndërsa mjaft të tjerë kanë preferuar shëtitjet me barkë.
Plazhet në jug dhe në veri të qarkut të Durrësit kanë tërhequr vitet e fundit qindra mijë pushues dhe numri i tyre pritet të rritet ndjeshëm këtë vit, pasi hapja e tunelit të Thirrës shkurton ndjeshëm autostraden që lidh Kosovën me Shqipërinë./n.m/
