Somali - Rreth 14 Të Vdekur Nga Sulmet E Rebelëve Shebab Në Mogadisho
MOGADISHO, 23 maj /ATSH-AFP/ - Të paktën 14 civilë somalezë, ndër të cilët pesë anëtarë të së njëjtës familje, humbën jetën sot në Mogadisho, pas një sulmi të gjerë të rebelëve shebab që kishin si shënjestër pallatin presidencial, njoftuan disa burime.
Rebelët shebab zhvilluan një ofensivë kundër 'Villa Somalia', pallati presidencial dhe në disa zyra të rëndësishme qeveritare në disa zona veriore të kryeqytetit somalez, kryesisht në lagjet Shibis dhe Bondhere.
"Luftëtarët tanë kanë sulmuar shumë zona të cila kontrolloheshin nga trupat ushtarake. Kemi eliminuar shumë prej tyre dhe marrë nën kontroll shumë pozicione të tyre përgjatë natës dhe ditës së sotme", deklaroi për mediat zëdhënësi i rebelëve shebab, sheiku Ali Mohamoud Rage./
/i.p/
