Prishtinë, 24 Maj, NOA - Kosova ka bërë progres të dukshëm lidhur me trajtimin e problemeve të minoriteteve, ndërsa është një nga vendet me ligjet dhe strategjitë më të mira për mbrojtjen e të drejtave e tyre.
Një fakt i tillë është pohuar nga Grupi i së Drejtës Ndërkombëtare dhe Politikave (PILPG), ku theksohet se gjithsesi, vënia në zbatim i këtyre dokumenteve mbetet një ndër sfidat kryesore të shtetit më të ri të Evropës.
Konkretisht, ish-diplomati amerikan, James Hooper, theksoi se “është koha për më shumë zbatim, pasi Kushtetuta ekziston, ligjet janë shkruar, studimet janë përgatitur, planet e veprimit janë të cilësisë shumë të lartë, por ka nevojë për një zbatim më të qëndrueshëm nga autoritetet, në mënyrë që të ketë më shumë progres në trajtimin e komuniteteve”.
“Ne rekomandojmë që autoritetet të marrin një qëndrim më të balancuar nga ai që ekziston tani, në shpërndarjen e resurseve ndërmjet pakicave minoritare serbe dhe joserbe”, u shpreh Hooper. Më pas, Grupi i së Drejtës Ndërkombëtare dhe i Politikave theksoi po ashtu rëndësinë e regjistrimit të popullsisë në Kosovë.
n.e/NOA
