Kukës: Zgjerimi I Bibliotekës Rrit Interesin E Lexuesve
KUKËS, 25 maj /ATSH-R.Hoxha/ - Zgjerimi i mjediseve të bibliotekës së Kukësit ka rritur interesin e lexuesve, veçanërisht të moshës shkollore dhe asaj të tretë.
"Përfundimi i punimeve për shtimin e mjediseve ka rritur menjëherë numrin e lexuesve, veçanërisht të të rinjve të shkollave të mesme dhe të moshës së tretë që lexojnë kryesisht shtypin e përditshëm", thotë drejtori i Bibliotekës, Sulejman Noka.
Rritja e kërkesave për librin e ri ka bërë që edhe bashkia të akordojë një fond, edhe pse jo i mjaftueshëm për blerjen e librit të ri. Aktualisht fondi i kësaj biblioteke përbëhet nga rreth 65 mijë libra, ndërsa numri i lexuesve arrin në mbi 570 vetë.
Duke qenë i vetmi institucion i këtij lloji në Kukës, interesi për të është i madh nga lexues të të gjitha moshave./ch/
