Tiranë, 25 Maj, NOA – Nisin ethet e Maturës Shtetërore 2010. Momentet e para të saj, duket se janë shënuar ditën e sotme me ngujimin e 12 mësuesve të parë për përgatitjen e testeve përkatëse për provimet e saj.
Sipas burimeve për agjencinë e Lajmeve NOA, mësohet se të ngujuarit e parë janë mësues që i përkasin lëndës së Letërsisë, të cilët po merren pikërisht me hartimin e teksteve për provimin e Maturës në këtë lëndë.
Ky provim bëhet me dije se do të zhvillohet në datën 1 qershor, pra, të martën e ardhshme.
Mësuesit janë ngujuar në Agjencinë e Vlerësimit të Arritjeve të Nxënësve, ndërsa pritet që të mërkurën, të ngujohen edhe 3 mësues të tjerë.
n.e/NOA
