Kurbin, 24 maj, NOA - Një debat i zakonshëm familjar është kthyer në një tragjedi në fshatin Gjorem të rrethit të Kurbinit.
Shtetasja më inicialet S.Tuga, 57 vjeç ka qëlluar më çifte bashkëshortin e saj Baftjar Tuga, 58 vjeç. Por gruaja 57 vjeçare nuk është mjaftuar me kaq dhe ka qëlluar dhe mbi vjehrrën e saj 80 vjeçaren, Behare Tuga.
Ngjarja ka ndodhur mëngjesin e sotëm në orë 09.30. Dy personat e qëlluar më armë kanë marrë plagë serioze për jetën dhe janë dërguar menjëherë në Spitalin Ushtarak, ku po marrin mjekimin e nevojshëm.
Nga hetimet e para të policisë sqarohet se bëhet fjalë për një ngjarje që ka ardhur për motive të dobëta.
Policia sqaron se pas marrjen së njoftimit, menjëherë në vendngjarje kanë mbërritur forcat e policisë të cilët kanë bërë të mundur shoqërimin e autores S. Tunga.
m.xh/NOA
