Prishtinë, 26 Maj, NOA – Bashkëpunimit ndërmjet policisë shqiptare dhe asaj kosovare, ka sjellë rezultate konkrete në luftimin e përbashkët të krimit të organizuar, trafiqeve, pastrimit të parave, korrupsionit dhe në veçanti atij ndërkufitar.
Një fakt i tillë u theksua gjatë takimit që ambasadori i Shqipërisë në Kosovë, Islam Lauka, zhvilloi me drejtorin e Përgjithshëm të Policisë së Kosovës, Behar Selimi.
Lauka nga ana e tij, garantoi mbështetjen në thellimin e mëtejshëm në fushën e bashkëpunimit ndërmjet dy policive me qëllim garantimin e lëvizjes së lirë, sidomos gjatë sezonit turistik, lëvizje të sigurt, por të kontrolluar të kufirit shtetëror, lehtësimin e kalimit në lehtësimin e kalimit në kufi.
Së shpejti, siç u bë me dijeninë takim, pritet që të nënshkruhen edhe 9 protokollet si forma të veçanta të bashkëpunimit Policor Ndërkufitar, në zbatim të marrëveshjes "Për bashkëpunimin Policor Ndërkufitar”, të cilat kanë të bëjnë me funksionimin e pikave te kontaktit, shkëmbimin e informacioneve nëpërmjet takimeve periodike, vendosjen e oficerëve ndërlidhës, patrullimin e përbashkët, ndërtimin dhe funksionimin e pikave të përbashkëta të kalimit kufitar, ngritjen e zyrave të përbashkëta për shkëmbim të menjëhershëm të informacionit dhe analizave të riskut, organizimin e operacioneve të përbashkëta në kufi si dhe organizimin e hetimeve të përbashkëta.
Realizimi i këtyre masave garanton lëvizjen e lirë të shtetasve të dy vendeve dhe rrit ndjeshëm mundësinë e kontrollit dhe luftës ndaj krimit ndërkufitar në veçanti dhe krimeve të tjera si krimi i organizuar, trafikut të paligjshëm të narkotikëve, të qenieve njerëzore, pastrimit të parave, korrupsionit dhe terrorizmit.
n.e/NOA
