Belgjikë - Sekuestrohen 400 Kilogramë Kokainë Në Portin E Anversës
BRUKSEL, 27 maj /ATSH-ANSA/ - Rreth 400 kilogramë kokainë, me prejardhje nga Peruja, janë sekuestruar në portin belg të Anversës. Kokaina ishte fshehur në 13 çanta sportive. Vlera në treg llogaritet të jetë rreth 97.5 milionë euro.
Çantat e sportit kishin mbërritur në Anversa të fshehura brenda një kontenieri me erëza në bordin e një anijeje që vinte nga Peruja. Policia belge arriti ta sekuestrojë drogën por nuk ka arritur të arrestojë katër personat që dyshohen të jenë trafikantët, të cilët janë vënë në kërkim.
/e.v/
