Brazil - Erdogan Në Një Vizitë Të Paprecedent Në Vendin Latinoamerikan
SAO PAULO (Brazil), 26 maj /ATSH-AFP/ - Kryeministri turk, Recep Tayyip Erdogan përshëndeti sot marrëdhëniet e ngushta mes vendit të tij dhe Brazilit ashtu siç u tregua dhe në bashkëpunimin e tyre për çështjen bërthamore iraniane, gjatë një vizite të paprecedent në vendin më të madh të Amerikës Latine.
Erdogan theksoi në një konferencë se dy vendet, anëtare jo të përhershme të Këshillit të Sigurimit të OKB-së, kishin patur kurajon të luftonin për një çështje diplomatike që nuk u prit mirë nga komuniteti ndërkombëtar.
Turqia dhe Brazili nënshkruan më 17 maj me Iranin një marrëveshje për shkëmbimin e uraniumit, por SHBA-ja dhe aleatët e saj janë mosbesues.
Sipas Erdoganit, partneriteti Turqi-Brazil në fusha të tjera tregon se ''ne po punojmë mirë së bashku''./
/ec/ a.jor.
