Greqi - Në Administratën E Ministrisë Së Financave Ka 70 Milionerë Të Paligjshëm
ATHINË, 27 maj /ATSH-MIA/ - Ministria greke e Financave ka zbuluar 70 milionerë të paligjshëm në administratën e saj, njoftoi sot media greke.
Sipas të dhënave të ministrisë, 70 nëpunës kanë paraqitur të ardhura tatimore mesatare prej 50 000 eurosh në vit, ndërsa gjatë kontrollit më të detajuar të autoriteteve është vërtetuar se ata posedojnë prona të patundshme me vlerë nga 800 000 deri në tre dhe më shumë milionë euro.
Nëpunësit janë pezulluar nga puna dhe ndaj tyre janë paraqitur kallëzime penale.
Lufta kundër korrupsionit është forcuar së tepërmi në Greqi pasi qeveria e Jorgos Papandreut fitoi një paketë ndihmash që do të mundësojë uljen e deficitit buxhetor.
Ministria greke e Financave ka hapur një linjë speciale telefonike, ku çdonjëri mund të sinjalizojë probleme me korrupsionin./ a.jor.
