Korrupsioni Pasiv,Arrestohet Inspektori I Kontrollit Të Automjeteve
E
TIRANË, 27 Maj /ATSH/ - Korrupsioni pasiv për shkak të detyrës ka vënë në prangat e policisë së kryeqytetit inspektorin e Shërbimit të Kontrollit të Shfrytëzimit të Automjeteve, shtetasin Gramoz Guci, nga Tirana.
Burime zyrtare nga policia e kryeqytetit thanë për ATSH-në se shërbimet e Seksionit Kundër Korrupsionit arrestuan në kushtet e flagrancës mbrëmjen e së mërkurës, në aksin rrugor Fushë Krujë- Vorë, 37 vjeçarin Gramoz Guci, i dyshuar për veprën penale të "korrupsionit pasiv të personave që ushtrojnë funksione publike".
Sipas këtyre burimeve, Gramoz Guci akuzohet se gjatë kontrollit të një automjeti, i ka marrë drejtuesit të tij shumën prej 492 mijë lekësh, ndërkohë që në gjendje të lirë për "shpërdorim të detyrës" , do të ndiqen edhe dy punonjës të Shërbimit të Kontrollit të Shfrytëzimit të Automjeve.
Materialet hetimore në ngarkim të këtyre shtetasve iu referuan Prokurorisë së Rrethit Gjyqësor Tiranë, për hetime të mëtejshme./m.sh/s.s./
