Beograd, 27 maj, NOA – Autoritet serke kanë reaguar në lidhje me lejimin e zyrtarëve të Beogradit për të vizituar Kosovën. Presidenti i Serbisë, Boris Tadiç, tha sot se askush nuk ka të drejtë t’ua ndalojë qytetarëve të Serbisë hyrjen në Kosovë, pavarësisht profesionit që kanë.
Duke folur mbi ndalesën e EULEX-it për vizitat e paparalajmëruara të politikanëve në Kosovë, Tadiç tha se përfaqësuesit e autoriteteve të Beogradit do të bisedojnë për këtë me misionin e BE-së dhe organizatat tjera ndërkombëtare në Kosovë.
“Serbia është ballafaquar me sfida reale në Kosovë, por ne do t’a vazhdojmë luftën tonë me të gjitha mjetet legale në institucionet ndërkombëtare, dhe nuk do të zbrapsemi me kurrfarë çmimi”, tha presidenti serb.
NOA/RFE
