Kryeministri Berisha Peruron Sot Disa Vepra Publike Në Berat
BERAT, 28 Maj/ATSH-Flora Nikolla/- Kryeministri Sali Berisha do të përurojë sot paradite një sërë veprash publike në zonën e Beratit, një nga më të rëndësishmet sa i takon prodhimeve bujqësore dhe e dalluar për traditat e saj në kulturë dhe histori.
Kreu i qeverisë do të përurojë përfundimin e rikonstruksionit të shkollës së mesme Lapardha, një nga zonat e dalluara në prodhimin e kulturave bujqësore si grurë, misër dhe fruta.
Më pas z. Berisha do të inagurojë rikonstruksionin e rrugës "Pal Golemi" në Berat, me vlerë 340 milion lekë të vjetra nga fondi i Ministrisë së Brenshme, rrugë që ka përfunduar pas zgjedhjeve të 28 qershorit. Në Mbreshtan kryeministri do të marrë pjesë në inagurimin e përfundimit të punimeve asfaltimin e rrugës Ura e Goricës-Mbreshtan dhe fillimin e punimeve për rrugën Mbreshtan-Sinjë./a.s//n.m/
