Mjekësi - Larja E Dhëmbëve Parandalon Sëmundjet E Zemrës
LONDËR, 28 maj /ATSH-MIA/ - Njerëzit, të cilët nuk i lajnë dhëmbët e tyre dy herë në ditë ekspozojnë veten ndaj rrezikut të sëmundjeve të zemrës, doli nga studimi i kryer nga disa kërkues skocezë me mbi 11 000 persona në moshë të rritur.
Nga studimi rezultoi se ata që kanë një higjienë orale të dobët janë 70 për qind më shumë të rrezikuar nga sëmundjet e zemrës sesa ata që lajnë hapësirën e gojës dy herë në ditë.
Studimi, i publikuar në "British Medical Journal", mbështet një studim tjetër të kryer më parë që tregonte lidhjen mes sëmundjeve të gojës me ato të zemrës.
Dihet se nxehja e trupit, përfshirë këtu gojën, ka një rol të rëndësishëm në bllokimin e arterieve, gjë që mund të çojë në një atak kardiak./
a.jor.
