Elbasan, 29 Maj, NOA Update – Shoferi i autobusit që u gjet i vrarë me plumb pas koke në rrugët e Elbasanit, është vrarë për motive gjakmarrje.
Një lajm i tillë konfirmohet nga burimet e policisë së Elbasanit për agjencinë e Lajmeve NOA, sipas të cilave, janë mundur të identifikohen e të arrestohen edhe tre autorët e këtij krimi të rëndë, që janë respektivisht: Ibrahim Caka, 31 vjeç; Elton Hyka, 30-vjeç dhe Ardit Spahiu, 28-vjeç; që të tre lindur dhe banues në qytetin e Elbasanit.
Mësohet se ata e kanë qëlluar viktimën e lartpërmendur Gëzim Alikaj, 52-vjeç, me pistoletë pas koke, brenda në automjetin e tij dhe megjithëse ai u dërgua në spitalin kirurgjik të Elbasanit, për të marrë ndihmën e parë mjekësore, por nuk ka mundur të jetojë pasi gjeti vdekjen.
Ndërsa po punohet për dokumentimin e plotë të ngjarjes së rëndë, materialet për këtë ngjarje i kanë kaluar për ndjekje prokurorisë së Elbasanit për veprat “Vrasje me paramendim, në bashkëpunim” dhe “Mbajtje pa leje e armëve luftarake”, të parashikuara nga nenet 78 e 25 dhe 278/2 të Kodit Penal.
Viktima 52-vjeç e lartpërmendur është gjendur e goditur me plumb pas koke dhe i lënë i vdekur në mes të natës, rrugëve të qytetit të Elbasanit.
n.e/NOA
