Sarajevë, 29 maj, NOA - Presidentët e Serbisë, të Bosnjës, Kroacisë dhe Malit të Zi, u takuan sot në Sarajevë për të premtuar marrëdhënie më të mira, derisa secili shtet synon anëtarësim në Bashkimin Evropian.
Takimi i presidentëve Ivo Josipoviç (Kroaci), Filip Vujanoviç (Mali i Zi), Boris Tadiç (Serbi) dhe i kolegëve të tyre nga presidenca treanëtarëshe e Bosnjë Hercegovinës, u mbajt para takimit të rëndësishëm BE-Ballkani Perëndimor, të paraparë për javën e ardhshme në Sarajevë.
Bashkimi Evropian këmbëngul se të gjitha shtetet e Ballkanit Perëndimor duhet të zhvillojnë marrëdhënie të mira fqinjësore, nëse dëshirojnë të anëtarësohen në BE.
NOA/RFE
