Sondazh - Gjermani - Më Shumë Se 60 Për Qind E Gjermanëve Duan Markën
BERLIN, 29 maj /ATSH-ANSA/ - Më shumë se 60 për qind e gjermanëve dëshiron rikthimin e markës gjermane për shkak të dobësimit të fortë të euros, provokuar nga kriza ekonomike dhe financiare, sipas një sondazhi të shoqërisë Tns Emnid, botuar sot nga tabloidi Bild.
"Dobësimi i euros dhe kriza e muajve të fundit ka pasur një ndikim të fortë te qytetarët gjermanë", komentoi për gazetën drejtori i Tns Emnid, Klaus-Peter Schoeppner.
"Për shkak të krizës financiare, më shumë se 60 për qind e popullatës dëshiron rikthimin e markës gjermane", shtoi ai.
Njëkohësisht, një tjetër sondazh, Deutschlandtrend-i i Infratest-Dimap, tregon se më shumë se gjysma e gjermanëve i frikësohet rënies së nivelit të jetesës në vitet e ardhshëm dhe dy të tretat druhen për kursimet e tyre. Më tej, sipas 75 për qind e të intervistuarve, më e keqa nuk ka ndodhur ende.
/e.v/
