Durrës: Përurohet Çerdhja E Re, Ne Ndertim Nje Tjeter Ne Shkozet
DURRËS, 1 qershor /ATSH-Gëzim Kabashi/ - Në ditën e 1 Qershorit në Durrës u përurua sot një çerdhe e re për fëmijët nën 3 vjeç, ndërsa ka nisur puna për ndërtimin e një tjetre në zonën e Shkozetit, në periferi të qytetit.
Kryetari i Bashkisë, Vangjush Dako tha për ATSH-në, se çerdhja që mirëpret 120 fëmijë të moshave deri në 3 vjeç është ngritur me një financim prej 30.2 milion lekë nga buxheti i bashkisë.
"Ne jemi të kënaqur që kjo çerdhe fillon punë pikërisht në ditën ndërkombëtare të fëmijëve" tha Dako.
Bashkia e Durrësit ka filluar punën edhe për ndërtimin e çerdhes së re në Shkozet me një investim prej 40 milionë lekë dhe që do të ketë një kapacitet prej 150 fëmijë./ch/
