Ekon - Barroso: Nuk Kemi Asnjë Dyshim Lidhur Me Të Ardhmen E Euros
ROSTOV-MBI-DON(Rusi), 1 korrik /ATSH-AFP/ - Presidenti i Komisionit Evropian, Jose Manuel Barroso, deklaroi sot se drejtuesit e Bashkimit Evropian nuk kishin ''asnjë dyshim lidhur me të ardhmen e euros", ndërkohë që valuta ka rënë në nivelet më të ulëta katër vitet e fundit.
"Nuk kemi asnjë dyshim lidhur me të ardhmen e euros", deklaroi ai në përfundim të një samiti BE-Rusi, në rajonin jugperëndimor rus Rostov-mbi-Don.
"Euroja është një ndër mekanizmat më të qëndrueshme në botë", theksoi Barroso.
"Në fakt, bëhet fjalë për valutën e dytë botërore dhe drejtuesit evropianë kanë shprehur pa ambiguitet angazhimin e tyre të plotë për të bërë ç'është e mundur dhe e nevojshme për garantimin e qëndrueshmërisë dhe stabilitetit të euros dhe kjo po arrihet", u shpreh Barroso.
Monedha e përbashkët evropiane pësoi sot rënie të reja deri në nivelin e saj më të ulët përgjatë katër viteve të fundit kundrejt dollarit, që rizgjoi shqetësimet lidhur me rimëkëmbjen e zonës euro dhe gjendjen e mirë të sektorit financiar në Evropë./
/i.p/
