Lindje E Mesme - Greqia Kërkon Riatdhesimin E Menjëhershëm Të Aktivistëve
ATHINË, 2 qershor /ATSH-ANSA/ - Athina i ka kërkuar sot qeverisë izraelite "riatdhesimin e menjëhershëm të 32 aktivistëve grekë" të cilët ende mbahen nga autoritetet e Jerusalemit.
Drejtori i përgjithshëm i Ministrisë së Jashtme greke, Yannis Alexis-Zepos, i deklaroi ambasadorit të Izraelit, Ali Yahya, "se është detyra e vendit të tij të garantojë sigurinë qytetarëve grekë". Dhe e informoi se një avion është gati të niset drejt Izraelit për të transportuar qytetarët grekë.
Izraeli njoftoi mëngjesin e sotëm se ka nisur riatdhesimin e 250 nga 650 aktivistët e huaj që u arrestuan gjatë operacionit ushtarak kundër flotës me anije ndihmash që lundronte drejt Gazës.
Disa grekë që u riatdhesuan dje, e akuzuan ushtrinë izraelite për keqtrajtime.
/e.v/
