Tiranë, 3 Qershor, NOA Update – “Nuk ka gjë më të keqe se krimi në familje apo dhuna ndaj gruas, ndaj duhet të bëhet ç’është e mundur për parandalimin e tyre”.
Kështu është shprehur më tej kryeministri Sali Berisha gjatë konferencës “Përballja me stereotipet gjinore”, duke analizuar në mënyrë të veçantë dukurinë e krimit në familje, ku sipas tij, ajo që lëndohet më shumë prej tij është gruaja.
“Deri para pak vitesh, ka qenë një kuadër ligjor, i cili gati sa nuk u jepte të drejtë atyre që rrihnin gratë, por ky kapitull tashmë është mbyllur, pasi ka përmirësime në kuadrin ligjor për barazinë gjinore si edhe krimin në familje”, tha kreu i qeverisë lidhur me një fakt të tillë.
Duke shtuar më tej se krimi në familje duhet luftuar me të gjitha mjetet e mundshme dhe për këtë do të ndërmerren akoma më shumë nisma ligjore që e garantojnë minimizimin e rasteve të shfaqjes së tij.
n.e/NOA
