Fishë Teknike - Japoni - Sfidat Kryesore Të Kryeministrit Kan
TOKIO, 4 qershor /ATSH-AFP/ - Kryeministri i ri japonez, Naoto Kan mori funksionin në një situatë politike, ekonomike, sociale dhe diplomatike delikate.
Më poshtë vijojnë sfidat kryesore që priten:
--- POLITIKË ---
- ZGJEDHJET: Kryeministri i sapozgjedhur, Kan vetëm për pak javë duhet të rrisë popullaritetin e Partisë Demokrate në Japoni (PDJ), i cili fitoi zgjedhjet senatoriale në muajin korrik.
- FINANCIMET E PARTIVE: I jepet fund skandaleve me financimet e fshehta të të zgjedhurve, përgjegjës në pjesën më të madhe për rritjen e mosinteresimit të japonezëve për politikën.
---- EKONOMIA----
- DEFLACIONI: Ndalimi i uljes së çmimeve që dobëson rimëkembjen ekonomike.
- MONEDHA: Lufta kundër rritjes së jenit që ka defavorizuar ndërmarrjet e eksportit.
- RRITJA EKONOMIKE: Kryeministri i ri do të propozojë së shpejti një strategji për rritjen ekonomike me mënyra afatgjata, të besueshme në sytë e mijëra biznesmenëve.
"Kërkoj një ekonomi të fortë, financa të forta dhe në sigurim social të fortë'', theksoi Kan në një fjalim gjatë kandidimit për drejtimin e PDJ-së.
- BORXHI: Reduktimi i borxhit publik i barabartë me dyfishimin e Prodhimit të Brendshëm Bruto në vend. Kan mbështeti emisionet e të ardhurave të thesarit dhe një reformë fiskale duke përfshirë një rritje të taksave mbi konsumin, aktualisht pesë për qind.
- BUXHETI: Gjetja e financimeve për premtimet e bëra nga PDJ para ardhjes në pushtet.
--- SOCIALE ---
- PENSIONE DHE SHËNDETËSI: Financime për sistemin e pensioneve dhe shëndetësor, shqetësimi i parë i japonezëve.
- PAPUNËSIA: Ulja e përqindjes së papunësisë nën barrën pesë për qind.
--- DIPLOMACI ---
- MARRËDHËNIET ME SHBA-në: Rregullimi i lidhjeve me aleatin amerikan, prishur nga kundërshtimi për çështjen e bazës ushtarake të Futenmas./
/ec/ a.jor.
